|
عطونا حل ياكرآم.
هاذي قصة وآحد قصها علي والمسكين يبي الحل !!!
أقرأو قصته وشاركونا بالحلول كان الله في عونه.قصته مضحكه ومحزنه بنفس الوقت. يقوووول: أنا عمري 34 لدي اربعه اطفال وزوجتي 28 سنه كل سنه تجي اقول زوجتي تبي تعقل والله انها تنهبل زياده عقلها خفيف غير ناضج خلاص متى تكبر وتعقل وتثقل انا صراحه استسلمت وقلت اطق عليها ثانيه خليها تعرف ان الله حق وهي ولا عندها انسانه من كوكب ثاني اضرب لكم امثله صداها لا يذهب عن بالي وتحملوني يا اعضاء لاني ابفصل المشكله اذاضحكت ياليتها تضحك مثل الخلق لا ضحكتها موحده وهي نياهاهاه وبصوت عالي.... اذا جت تكلمني وتدري اني بجتماع رجال او كنت معزوم وش تسوي تتصل و تقول ابوووك يالثقل ياهوووه يالرسمي امووت انا على الي مسوي فيها ثقيل وتضحك بعدين تكلمني كلام جني وتضحك تقول اتحداك ترد علي وبعدها !! نياهاهاها انا انحرررج قدام العالم اسكرها وهي تتكلم خلاص انا اذا صرت بجتماع مهم استحاله ارد عليها المشكله ترسل رسايل ابيك ضروري جدا جدا بسررررعه لازم تدري قبل الظهر ترووعني واذا رديت على طول نياهاهاها جيت للبيت وضربتها وصلت حدي قلت لها وقت الجد جد وقت المزح مزح وانا اضرب فيها تلمسني وتسوي نفسها دايخه اعطيها طراق تمسك يدي وتبوسها انسانه غريبه هجرتها ورحت غرفه ثانيه ما ادري الى هي لازقه فيني اقفل الغرفه تويق مثل الاطفال تحت الباب وتقولي كلمات لا استطيع البوح بها وتدخل اصابعها من تحت الباب وكل كلامها ضحك مسكتها ورجيتها ونفضتها نفض قلت اعقلي اركدي والله لا اتزوج عليك ان صرتي كذا والله انها تطق رقبه تقول المملوح ناوي يعرس ومااالوه اعرس ؟؟؟ وتقوم تهزز المشكله اطفالي مثلها عقلهم خفيف مافيه ثقل اببد ماكتبت مشكلتي الى اني موصله معااي للاخر امس بالشارع اسمع زعاق وصراااخ دخلت للبيت وش اشوف تضارب مع عيالها يجلدونها وتجلدهم وانا مستغرب صرخت عليهم ويطالعوني ويضمون بعض ويبوسون بعض ويقولون وش جابك ؟؟ حنا نلعب اذا كان فيه استراحه وجمعه مع الاهل تركض مع الاطفال ومعها احتياطها ملابسها على طول للمسبح ماتجلس مع الحريم الى قليل مع اني اشوفهم يترجونها يقولون بعديين تعالي معنا وهي مالمك احد طبعا اهلي يحبونها* انا شكيت ان فيها مس من الجن ماهي طبيعيه اببد تصحى من النوم ترقص تقلب من نومها تهز كلمت امها وصارحتها قلت بنتك يبي لها قران لازم نوديها شيخ جت امها وودتها لشيخ ويقول الشيخ البنت مافيها شي المشكله امها تهاوشها بالسياره تقولها ليش تقول ليش تقولين لشيخ لا تتفل علي ؟ يوم طالعتها صرخت وقالت خله يتفل عليك كانك تبي تفاله !! وعدنا البيت العام قلت ابحج واخليها تحج معي ان شالله تعقل وتركد وش سوت بالطواف مع الزحمه الشديده استرخت على امرأه بدينه جدا تقول خلها تدفني واحاول اسحبها ماقدرت الزحام شديد وهي مبسوطه وتقولي يا سلام يدفوني رجليني ماهي في الارض صرت طويله وناااسه قلت لها احتسبي الاجر وتلتفت على المرأه وتقولها هييه وين وصلنا اي شوط احيانا غصب علي اضحك* عند ركوب الباص لذهاب الى الحرم مالقيتها ادورها مالقيتها اكلم النساء في الحمله غير موجوده نهائيا كلمت بعض الاخوان ندورها وين لقيتها ؟؟؟ تنظم العالم الي ضايع تقوله تعال هنا والي يدور باصه توديه للباص مسويه مرشده الحمله ؟ سحبتها مع رقبتها وانا اسحب وهي توصف تقول وش فيك ابي اجر وخر* كلمت والدتي تتفاهم معها تقولي ابصارحك بشي صح انه غلط تصرفاتها لكن لو فيني هموم الدنيا زوجتك اذا دخلت علي نسيت كل همومي قلت طيب انا ابتزوج ابي وحده عاقله قالت بكيفك لكن زوجتك ماتطلقها طبعا الوالده تحبهاحبا جما ودايم تناديها عندها قبل شهرين رحت لمكه مع والدتي وزوجتي حطيتهم في التوسعه رجعت لقيت زوجتي ما انتبهت لي ماسكه وحده افغانيه وقاعده تتكلم معها جيت شوي شوي واسمعها تقولها شفتي الدنيا يوم لك ويوم عليك وتقص لها قصص والافغانيه ماتعرف عربي تهز راسها وهي ماتدري وزوجتي مواصله تشكي لها قلت لزوجتي وش تتكلمين معها ماتعرف عربي قالت ابد صارت صديقتي* الحل يا اعضاء انا نصحتها وهاوشتها وكلمتها وضربتها لكن مافيه فااايده شلون تعقل وتتفهم والله ثم والله تعبت ابي حل وافكر جديا بالزواج الله يعوض عليه ههههههههههههههه |
ههههههه الله يحفظك اخوي ع الطرح الاكثر من رائع
اول مره اسمع عن انسانه بهاالشخصيه هي صح حركات قويه منها وغريبه بس احس بداخلها طيبه بلا حدود صعب حل الموضوع وانگ ترضي الطرفين باالعدل تقبل حروفي المتواضعه وادع النقاش والتحليل للبقيه احترامي لشخصك |
الله المستعان مدري نضحك ولانحزن على حال هذه الزوجه
اتوقع ان عندها نقص في العقل هذي ماهي تصرفات انسانه طبيعيه الله يشفيها ويعافيها لكن العتب على الزوج ليه ماتكلم الا بعد ماصار عندها 4 اطفال المفروض من اول شهر اكتشف شخصيتها لكن مانقول الا الله يعينه يصبر عليها ويتحمل تصرفاتها او يتزوج زوجه ثانيه ويحافظ على زوجته المريضه ويبقيها مع اطفالها |
أخي لو كانت شمس كانت أمس
إذا شفت الوضع مايل فعدله من أول ميلة وصبر يوم ولا صبر الدهر التردد لايجدي لأن الوقت لايسعف أزكى تحية |
لا حول ولا قوة الا بالله نسأل الله ان يشفيها عاجلاً غير اجل وهـو الله يعيـنه يتحـمل هــذا نصــيبه وربـــك يعـوضــه . |
الصبر والاحتساب والأجر عند الله
ما له الا الدعاء والأستغفار يمكن يتزوج وحده ثانيه تنكد عليه فيقول ياليتني ما تزوجت الثانيه أسأل الله أن يصلح حالها شكرًا لك وبارك الله فيك |
حياك الله اخي الكريم اسمح لي اقول ان صاحب هالقصة مشارك لزوجته في الهبال بالله عليكم فيه واحد ينشر مثل هذه السواليف اللي نقرأها من طرف واحد على غير المتخصصين؟ والدته تعرف الحرمة صح وان كانت زوجته مهبولة والام مستأنسة معها فهل نستطيع ان نقول ان امه مثلها مهبولة ؟ اللي اشوف ما بين السطور ان الاخ يبي يعرس ويبي اكبر عدد من اصوات التأييد مع ان الامر محسوم ولا احد يمنعه سواء كانت مهبولة او عاقلة مية بالمية ونصيحتي له ان يذهب هوه وهي لاستشاريين نفسانيين واجتماعيين ولعلي اقول اني متأكد ان المفتاح موجود ....... وما هي الا جلسة او جلستين الا وسيجده ويحمد الله واللي في راسه يسويه بس يا شين اللي يهدد بشيء ولا يقدر عليه تطيح مهابته عند نفسه وعند المتعاملين معه دمتم بود واحترام |
لاتعليق ؟؟!!
|
يعني ما درى عن تصرفاتها انها غير طبيعيه اللا اللحين هذا يبغى يتزوج وما يقدر ويدور له عذر ومع ذالك واضح ان ماعنده سالفه ولا يصلح له الاهذي |
نسأل الله االعفو والعافيه
ونطلب من الله لهم الصلاح والهدايه تقديري |
العام قلت ابحج واخليها تحج معي ان شالله تعقل وتركد وش سوت بالطواف مع الزحمه الشديده استرخت على امرأه بدينه جدا تقول خلها تدفني واحاول اسحبها ماقدرت الزحام شديد وهي مبسوطه وتقولي يا سلام يدفوني رجليني ماهي في الارض صرت طويله وناااسه قلت لها احتسبي الاجر وتلتفت على المرأه وتقولها هييه وين وصلنا اي شوط احيانا غصب علي اضحك*
انا اقول انها سوية ميه على ميه واشك انه هو اللي محتاج دكتور اوشيخ يقرأعليه شافته على قدالحال فعملت المحااال .. الحل اسطوانه غاز 25 رطل +لي غاز متر ونصف+كبريت ماركة ابونسر يقفل عليها باب الغرفه بهدوء حتى يسمع صوت المزلاج يدخل اللي من تحت الباب ويهز الكبريت حتى تستيقظ للخطر القادم.. ان غيرت رأيها واعلنت التوبه فأهلاوسهلا.. والا اوقد النار ياشببها هههههههههههه اعذرني اخي الغالي وقفة مع الروح على المداخله لكن هذولا قصتهم اشبه بالافلام الهندية نسأل الله العفو والعافية تحياااتي لك |
الصبر زين وكل مطرود ملحوق والستر لها زين والحشيمة لغرانها
واذا يبغي يتزوج لا يؤلف على هالمسكينة قصص كوميدية |
سمو برنيسه
.يسعدك ياشيخه على هاذه المشاركه الرآئعه ومشاركتك بالموضوع تعني لي الكثير. لكي جزيل شكري . |
الكنانيه مشاركه جميله وبليغه لك جزيل أمتناني
الله يسعدك يارب. |
الفكر اتحفتنا بحلول ومشاركه نيره من شخصكم الكريم ستبقى قلما نيرا وفكرا مضيئا لمن حولك
الله يسعدك يارب .أشكرك |
|
Loading...
|
 |
 |
 |
 |
 |
 |
 |
 |
 |
 |
 |
 |
 |
 |
 |