|
سواليف حضران
كم مرة مريت ومن جنبي عديت .. وكم مرة ناديت ولا ليا رديت .. أسمخ أنت ولا متكبر ولا أيه .. هي الدنيا سائبة والا الناس عندك مقامات .. يابويا هدي شويه وخلينا نجلس معاكم شوية .. أجلس ع التكاية وحط رجل ع رجل وأعطينا حكاية .. ما يهم جديدة ولا قديمة واللي يجي من فمك حلاوة .. المهم نتونس وننتعش ونذكرك بأحسن عبارة .. الله عليك يابو فتو تجيب الهرجة ورى الهرجة وتجبرني ع الجلسة وأنا مستعجل وذا مو وقته .. يابويه أجلس وخليك اللكاعة وسمعنا حكاية . أمري لله .
أسمع يابو فتو تزكر أيام زمان لما كنا صغار وخاصة أيام رمزان ( رمضان ) تزكر بسطت البليلة ومركز العمدة وسقا الموية والناس رايحة وجية ومبسوطين .. وكلنا حبايب .. أدب وأخلاق وسعة بال ونعرف بعض بيت بيت .. بيوتنا مفتوحة ومافيه مشاكل ولاسرقات ولاعصابات وحارة زي الفل .. أما اليوم ياساتر ما احد يعرف أحد ولا عاد فيه مركاز ولا حكاية ولا عمدة يروح ويجي بالصفارة .. وإذا ودك أديك زيادة أديك .. لا لا الله عليك قلبت المواجع وزكرتني بالطيبين أيام زمان مافيه حقد ولا حسد ولا صاحب عمارة .. بيوتنا وطباعنا مثل بعض اللي عنده واللي ماعنده سمن ع عسل .. هيا روح روح كفاية .. ركبي ما عاد تحملني ومنك لله يا واد . تحياتي للجميع |
ي زين ( الحضر ) و كلآمهم و حيآتهم و طبآيعهم و كل شيء فييهم ,, قلوووبهم نظيفة و نوآيآهم ( بيضآء ) حتى التعآمل معآهم و الحيآة بينهم غيييير .. >> لولآ ( القبيلة ) لكنت امرأة من ( الحضرآن ) .. حبيييت سوآلف ( ابو فتوووو ) يسعدك ربنآ ي ابو مآجد ,, :) ************************ |
حلوووه سواليفهم
شكرا شكرا ابوماجد |
خلّي بالك يا أستاز أبو ماجد إنا من جدة حتى لو كنت شهري وأفتخر ولكن الإنسان إبن البيئة التي نشأ فيها
يتطبع بطباع أهلها ويتحدث بلسانهم عشان كدا لا تآخزني لو هرجت معاك بالحضري . في مهرجان جدة زمان ( كنا كدا ) عشنا أجواء الأمس الجميل بكل ما فيها من حلاوة تميزها البساطة لدرجة أنني كنت يوميا هناك طيلة أيام المهرجانات كنا كدا أو رمضاننا كدا أو عيدنا كدا . تفاعلنا مع فعاليات المهرجانات تلك وأطلقنا آهات ندم على ذلك الأمس الجميل الذي لم يعد منه إلا القليل وقد غيرت معالمه خطوات التطور التي قضت على الكثير من جمالياته التي عشنا معها أياما حميمية . إيش أقل لك يا أستاذ أبو ماجد إلا ربي يكتب لك في كل خطوة سلامة ويدّيك الصحة يا رب . |
شكري وتقديري ابو ماجد ع النقل الجميل
دمت بود |
اقتباس:
الله يديم السعادة للجميع تقديري وأحترامي |
اقتباس:
|
اقتباس:
ألظاهر انك جاري وأنا ما أدري هههههه .. الله الله على جده وأم الرخى والشدة .. جميلة بحضرها وبدوها وبكل مافيها .. ينشرح صدري اذا سافرت وعدت اليها فهي لاتقاس بمدن وغنية عن التعريف فالكل يهفوا اليها رغم حرها الشديد صبفاً . مازن ممتن لمرورك وإضافتك الجداوية الجميله يعطيك العافية |
ماشاء الله يابو ماجد " حضري " الظاهر أغلب أعضاء المنتدى جداوية , الذكريات القديمة جميلة بكل اللهجات وبكل المقاييس المعيشية , سهر أحمدي ربك أنك جنوبية والعز ليه , مالك ومال الحضر , تقديري |
اقتباس:
بلبل وطار بعد ما ربيتو خان الوداد ليه ذا كان دبلان وحميتو الحق عندي انا لاني مامسكت جناحو وقصيتو انا قلتله يابلبل مسيرك ترجع لعشك ثاني ياما وياما نصحتو وهديتو بكره يذوق الندم ويكون العش انا هديتو ___ يلي نويت على الغرام خليك بعيد عنه ذا كله هجر وخصام واسالني عنــــه قبلك مشيت في الغرام ماشفت شيء منه الا الدلال والجفى والصد والهجران منه ما دام عرفت اللي فيه ابعد خلاص عنه ___ اهـ يازمن الردي يامفارق بين الاحباب في باطني جرح 16 هلال مــــــاطـــاب كل ماجابوا الدوى انحرقت الاقطـــاب راحوا جابوا الطبيب لحد البـــــاب كشف عن الجرح وقال ابكو عليه ذا كان خطير وانصاب |
اقتباس:
دمتِ بخير . |
فيهم الطيب وفيهم من هو دون ذلك يقال ان النماكة واللعب على الحبلين من سماتهم حتى إنك قد تسمع من يقول فلان متمرد عاش عمره بين الحضر وتعلم منهم !! أشكرك |
اقتباس:
أنا من رواد جمعية الثقافة والفنون والنادي الأدبي خصوصا بعد أن ضمهما مبنى واحد تقام فيه فعاليات فنية ومحاضرات أدبية وعلمية وجدة بلد النور والجمال فيها روافد فكر و ثقافة عدة لمن أراد أن يستمتع ويستفيد . أعدت ترتيب الكسرات التي أهديتها لي لتسهل قراءتها وإستيعابها فشكرا لك عليها إذ تتميز بالبساطة . وأهديك أهزوجة من كلمات شاعرة جدة المبدعة ثريا قابل : تمنيت من الله تبقى معي يا حبيبي تمنيت من الله يجعلك حظي ونصيبي وكأنه ربي استجاب من غير ما أعمل حساب طلّيت لقيتك معايا حقّق لي حلمي ومنايا حسّيت برعشه بكياني يوم جات عيني فعينيك ما قدرت اقوم من مكاني ما عرفت اسلّم عليك قربت مني بثواني لقيتني كللي فإديك وكأنه ربي استجاب من غير ما أعمل حساب طليت لقيتك معايا حقق لي حلمي ومنايا قليله قولة أحبك وفيك سعدني زماني أنا ودي أدخل فقلبك وأشوف بعيني مكاني ودّي من غير ما اقولك تحس بشوقي وحناني وكأنه ربي استجاب من غير ما أعمل حساب طليت لقيتك معايا حقق لي حلمي ومنايا |
اقتباس:
الفكر .. تقديري وأحترامي |
|
Loading...
|
 |
 |
 |
 |
 |
 |
 |
 |
 |
 |
 |
 |
 |
 |
 |