حقائق محزنه

زمان المئة ريال تكفي العائلة شهر
والحين الف ريال ما تكفي لواحد

اول سيارة وحدة في البيت تكفي البيت والجيران
والحين في البيت وكالة سيارات والأم يوصلها السواق

زمان في الحارة مسجد واحد وبعيد وكل الناس تصلي
والحين في الحارة اكثر من ثلاث مساجد
والمسجد صف واحد

اول الحريم غير متعلمات وشيلتها
حتى وهي نايمه على رأسها
والحين جامعية ونص شعرها طالع

اول تعرف وش متعشي جارك
والحين يسافر ويمرض ويروح ويرجع
وأنت ما تعرف عنه شىء

اول المعلم قدوة لطلابه. والحين يشيش معهم


زمان تلفزيون واحد في البيت وقناة واحدة
وفترة للأطفال وفترة للكبار
والحين كل غرفة بتلفزيون والف قناة ولا مراقب

اول تلفون واحد في البيت وما يرد عليه إلا الأب أو الأم
وألحين كل واحد في البيت عنده جهازين ولا مراقب

اول مجالسنا سوالف وعلوم رجال
واليوم شي محزن الرجال والشباب عيونهم بجوالاتهم
ولاتقدير ولا احترام للشيبان ومجالسهم

اول نزور المريض ونبارك بقدوم المولود
ونحضر زواج القريب ونحضر دفن الميت
واليوم للأسف نكتفي برسالة واتس اب ((فضيحه والله)

للأسف واقع نعيشه
ويقولون ليش المجتمع تغير
كافـــــي تلومـون الزّمــــان وعقْـــــرب الســــاعه يدور
نفْس الشّهر .نفْس السنه ..نفْــس الفصول الاربعه
اللي تغيّــــر واختـــلف ..صــدْق المبادي والشعور
طيبــة ملامحــنا تـــوارت ..تحْـــت زيـــف..الأقنـعه

صرْنا نحب المال مـن حـب المظاهر والظهور
نرْفع مـــقام اللـــي معـه ... ونهمّـــش اللــي مامعه
صرْنا نشوف اكتافنا ..لأهـــــدافنا ..جسْر العبور
ونبيــع حـــــتى ..لـــــو كــرامتـْـنــا عـــشــــــان المنـــفعه
الفقر يمــلانا ..جـزَع ... والمـال يمـــلانا غــــرور
وان مــا خــدم حبـْـل المـــودّه مصلحتـــنا..نقـْطــعه !
كانت صغار بيوتنا بس السّعه وسْط الصدور
واليوم نسْكن فـــي السـْعه ..بصدور مافيها سعه
********
اعتذر ع قلة التواجد والحضور والمشاركة لظروفي الخاصة
ولكن حضوركم في القلب دائم ....تحياااتي للجميع 🌹🌹🌹

---

prhzr lp.ki >>> lp.ki